Sawda-sanaat palatasında isbilermenler menen ushırasıw hám ashıq sáwbetlesiw bolıp ótti. Onda isbilermenlerdiń jumıslarında reklama tarawındaǵı mashqalalar haqqında sóz etildi.

Ilaj Qaraqalpaqstan Respublikası Básekilikti rawajlandırıw hám tutınıwshılardıń huqıqların qorǵaw komiteti hám Ózbekstan Sawda-sanaat palatası Qaraqalpaqstan Respublikası basqarması tárepinen shólkemlestirildi.
Onda Qaraqalpaqstan Respublikası Básekilikti rawajlandırıw hám tutınıwshılardıń huqıqların qorǵaw komiteti baslıǵınıń orınbasarı A.Yusupov, Qaraqalpaqstan Respublikası Ministrler Keńesi Til boyınsha departament qánigesi A.Ismailov, Sawda-sanaat palatasınıń xızmetkeri B.Sársenbaev hám isbilermenler qatnastı.
Ótkerilgen ilajda taraw qánigeleri tárepinen Ózbekstan Respublikası “Reklama haqqında”ǵı Nızamı hám nızamshılıq hújjetleri talapları boyınsha ónim hám xızmetlerdi reklama etiw boyınsha túsinikler berildi.
Ilaj dawamında isbilermenler tárepinen pikir-usınıslar bildirilip, ózlerin qızıqtırǵan sorawlarǵa qánigelerden juwaplar aldı.

Qaraqalpaqstan xabar agentligi