Ádebiyat insannıń ruwxıy, mádeniy hám intellektuallıq jaqtan rawajlanıwı ushın eń áhmiyetli qurallardan biri bolıp esaplanadı. Onıń kúshi sonda, ádebiyat insan qálbin bayıtadı, júreginde jaqsılıq, mehir-muhabbat sıyaqlı sezimlerdi qáliplestiredi.

Ózbek ádebiyatında sahra búlbili dep dańq taratqan, Ózbekstan Qaharmanı, Ózbekstan hám Qaraqalpaqstan xalıq shayırı Ibrayım Yusupov tiri bolǵanda búgin 96 jas penen júzlesken bolar edi.
Shayırdıń “Baxıt lirikası,” “Kúnshıǵıs jolawshısına,” Kewil kewilden suw isher,” “Tumaris,” “Kewildegi keń dúnya” sıyaqlı bir qatar qosıq kitapların xalqımız súyip oqımaqta.
Jazıwshılar qıyabanında Tashkent ximiya-texnologiya institutı hám Ózbekstan Jazıwshılar awqamı wákilleri, studentler jám bolıp, shayır esteligine gúl qoydı.
Onda Qaraqalpaqstan xalıq shayırı Rustam Musurman shıǵıp sóyledi.
Biz qaraqalpaqlar menen bir jerde jasap kiyatırǵan xanalas, tuwısqan xalıqpız, – dedi Rustam Musurman. – Ózbek hám qaraqalpaq jazıwshıları arasında haqıyqıy dóretiwshilik birge islesiw bar. Eki xalıqtıń ádebiyatı uqsas tamırlarǵa iye. Ibrayım aǵa tek ǵana shayır sıpatında emes, al jaqsı insan sıpatında da kewillerimizde saqlanıp qaldı. Onıń poeziyasına bolǵan mehirim, qızıǵıwshılıǵım sebepli kóplegen shıǵarmaların ózbek tiline awdardım. Onıń poeziyası xalıqshıllıq, watansúyiwshilik sezimleri menen suwǵarılǵan, onıń sıyqırı hár qanday oqıwshını ózine tartadı.
Ilajda universitet studentleri Ibrayım Yusupov dóretpelerinen úlgiler oqıp, muzıkalıq baǵdarlamalar kórsetildi.
Ózbekstan Jazıwshılar awqamı Málimleme xızmeti

ÓzA