Korrupciyaǵa qarsı gúresiw milliy agentligi keńesiniń keńeytilgen májilisinde mámleketimiz basshısı korrupciyalıq jaǵdaylarǵa sharayat jaratıp berip atırǵan faktorlardı keskin azaytıw boyınsha anıq wazıypalardı belgilep berdi.

Bul baǵdardaǵı tapsırmalardıń orınlanıwın támiyinlew maqsetinde Korrupciyaǵa qarsı gúresiw agentligi tárepinen IT Park, «Nawayı kán-metallurgiya kombinatı» akcionerlik jámiyeti hám «Jańa Ózbekstan» universiteti menen birgelikte «Anti-Corruption Hackathon – 2025» tańlawı shólkemlestirildi.
Oǵan respublikamızdıń barlıq aymaqlarınan jas programmistler mámleketlik uyımlardıń jumısında ashıq-aydınlıqtı támiyinlew, sonıń ishinde, korrupciyanıń aldın alıwǵa xızmet etetuǵın programmalıq támiynatlar, onlayn platformalar islep shıǵıw boyınsha bellesti.
Úsh kún dawam etken «Anti-Corruption Hackathon – 2025»da úsh adamnan ibarat komandalar óz-ara bellesti. Final basqıshında komandalardıń joybarları boyınsha prezentaciya hám programmalıq ónimleri bahalandı.
Tańlaw juwmaǵına bola, birinshi orındı «Uzinfocom» komandası mámleketlik satıp alıwlarda mápler soqlıǵısıwınıń aldın alıwǵa qaratılǵan baǵdarlaması menen birinshi orındı iyeledi.
«Equilibrium» komandası jasalma intellekt járdeminde mápler soqlıǵısıwın anıqlaw baǵdarlaması menen ekinshi, «Austrum team» komandası «Haj» hám «Umra» zıyarat ilajların shólkemlestiriw processlerin sanlastırıw baǵdarlaması menen úshinshi orındı qolǵa kirgizdi.
Tańlaw jeńimpazları shólkemlestiriwshiler tárepinen estelik sawǵaları menen sıylıqlandı.
Absolyut jeńimpaz komanda usı jıldıń sentyabr ayında Gonkongta bolıp ótetuǵın Aziya jaslar korrupciyaǵa qarsı gúresiw xakatonında («Coding4Integrity») Ózbekstan atınan qatnasıw imkaniyatın qolǵa kirgizdi.

N.Abduraimova, ÓzA