Singapurda ulıwma dizimge alınǵan 2,5 millionǵa shamalas puqara nızam shıǵarıwshı uyımnıń quramın qáliplestiriwde qatnastı.

Jergilikli waqıt penen 08:00 de baslanǵan dawıs beriw procesi 20:00 de juwmaqlanadı. Milliy saylaw uyımınıń maǵlıwmatına bola, kúndiz 48 procentke shamalas saylawshı yamasa pútkil mámleket boylap 1240 saylaw uchastkasında 1,2 millionǵa shamalas adam dawıs berdi.
11 siyasiy partiyalardıń wákilleri hám eki biyǵárez talaban qatnasıp atırǵan ilajda bir palatalı parlamenttegi 97 orınnan 92 ine deputat saylanadı.
«The Straits Times» gazetasınıń jazıwınsha, húkimetti basqarıp atırǵan Bas ministr Lorenc Vong basshılıǵındaǵı Xalıq háreketi partiyası tiykarǵı favorit bolıp qalmaqta. 66 jıldan berli hákimiyat basında turǵan bul partiya hár bir saylaw okruginde óz kandidaturasın alǵa qoyǵan. Tiykarǵı qarsı kúsh – Jumısshılar partiyası 8 saylaw okruginde wákillik etip, 26 orın ushın gúrespekte.
Bir palatalı parlament sistemasına iye qala-mámleket – Singapurda saylaw hár bes jılda ótkeriledi. 2020-jıl COVID-19 pandemiyası sharayatında tariyxıy jetiskenlikke erisken qarsılas jumısshılar partiyasınıń abırayı salıstırmalı túrde artqanına qaramastan, tiykarǵı boljawlar húkimdar XHPnıń gezektegi jeńisine úmit etpekte.

Qaraqalpaqstan xabar agentligi