Qaraqalpaqstan Respublikası Salıq basqarması tárepinen Shımbay rayonında jumıs alıp barıp atırǵan kishi hám orta biznes wákilleri menen ushırasıw ótkerildi.

Onda qánigeler dáslep isbilermenlerdiń turaqlılıq reytingi hám tarawǵa baylanıslı sońǵı ózgerisler, isbilermenlikti qollap-quwatlaw maqsetinde berilip atırǵan salıq jeńillikleri haqqında maǵlıwmat berdi.
Ashıq pikirlesiwde isbilermenlerdiń jumısına tosqınlıq etip atırǵan mashqalalarǵa sheshim tabıw, olardıń biznesin ele de keńeytiw máselelerine ayrıqsha itibar qaratıldı.
Atap aytqanda, búgingi kúnde Shımbay rayonında 2200 isbilermenlik subekti jumıs alıp barmaqta. Olardıń, 1123 i mikrofirma, 48 i kishi kárxana, 1029 ı jeke tártiptegi isbilermenler bolıp esaplanadı.
Isbilermenler sanınıń jıldan-jılǵa kóbeyiwi hám olardıń jumısına tosqınlıq etip atırǵan mashqalalarǵa sheshim tabıw, sonday-aq, biznesin jáne de keńeytiwge ayrıqsha itibar qaratılmaqta.
Ilajda salıq hákimshiligine ámel etip, aldınǵı nátiyjelerge erisip kiyatırǵan bir topar salıq tólewshilerge minnetdarshılıq bildirilip, estelik sawǵaları tapsırıldı.

Qaraqalpaqstan xabar agentligi