Ukraina qorǵanıw ministri Rustem Umerov qorǵanıw ónimlerin satıp alıw menen shuǵıllanıwshı Mámleketlik logistika operatorı (MLO) qayta dúziletuǵının járiyaladı.

– Baslanıp atırǵan reformalar kólemin keńeytiw maqsetinde bul másele boyınsha komissiya dúziw haqqındaǵı buyrıqqa qol qoyıldı, – dep jazǵan xızmetker sociallıq tarmaqtaǵı betinde. – Processti Qorǵanıw satıp alıwları agentligi (QSA) direktorı Arsen Jumadilov basqaradı. Struktura janında arnawlı komissiya isleydi. Áskeriy jaǵday tawsılǵanǵa shekem eki tiykarǵı mákeme – QSA hám MLOnı birlestiriw ushın tiykar jaratpaqtamız. Endi wazıypalar qaytalanıwına jol qoyılmaydı, basqarıw sisteması jetilisedi, armiya támiynatınıń potencialı artadı.
QSA ónim satıp alıw, MLO bolsa Qurallı kúshlerdi kiyim-kenshek, azıq-awqat penen támiyinlew ushın juwapker. Hár eki shólkem 2023-jıldıń dekabr ayında jumıs baslaǵan.

Qaraqalpaqstan xabar agentligi