Qaraqalpaqstan Respublikası Ishki isler ministriniń orınbasarı, Tergew basqarmasınıń baslıǵı polkovnik M.Rahmatullaevtıń Ámiwdárya rayonında jınayatshılıq hám huqıqbuzarlıqlardıń aldın alıw boyınsha ótkergen úyreniwleri, sonday-aq, Mámleketlik xızmetler orayı imaratında puqaralar menen kóshpeli qabıllaw ótkergeni áhmiyetli ilajlardan biri boldı.

Bunday ilajlar puqaralardıń sociallıq qáwipsizligin támiyinlew, olardıń mashqalaların anıqlaw hám olarǵa operativ juwap beriw ushın oǵada zárúr.
Kóshpeli qabıllawda puqaralardan hár qıylı tarawlarǵa tiyisli 18 múrájat qabıl etildi. Bul, álbette, jergilikli uyımlardıń jámiyetshilik penen ashıq-aydın baylanısın nátiyjeli támiyinlemekte. Múrájatlar boyınsha rayonlıq IIB juwapkerlerine tapsırmalar berilip, bul máselelerdiń unamlı sheshiliwine itibar qaratıldı.
Sonday-aq, ilajda Kúyik kópir awılı juwapkerleriniń jınayat hám huqıqbuzarlıqlar profilaktikası baǵdarındaǵı jumısları dodalandı, – dep maǵlıwmat beredi Ámiwdárya rayonı hákimligi Málimleme xızmeti bólimi.

Qaraqalpaqstan xabar agentligi