Mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komiteti tárepinen Ózbekstan Kórkem óner akademiyası janındaǵı Jollıbay Izentaev atındaǵı Qaraqalpaqstan Respublikası qánigelestirilgen kórkem óner mektep-internatında qala hám rayonlardaǵı balalar muzıka hám kórkem óner mektepleriniń 7-13 hám 14-18 jastaǵı oqıwshıları arasında “Arzıwımdaǵı kásip” atamasında kórgizbeler tańlawı shólkemlestirildi.

Tańlawǵa Ózbekstan Kórkem óner akademiyası Qaraqalpaqstan bólimi hám Qaraqalpaqstan Respublikası Mádeniyat ministrliginiń juwapker basshıları qatnastı.
Ózbekstan kásiplik awqamları háreketiniń 120 jıllıǵı múnásibeti menen Mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komiteti tárepinen tańlawda jeńimpaz dep tabılǵan oqıwshılarǵa, birgelikte shólkemlestirgen shólkemlerge “Diplom,” “Alǵısnama” hám estelik sawǵaları tapsırıldı.

Qaraqalpaqstan xabar agentligi