Nókis qalasında Mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komiteti hám Sport ministrligi menen birgelikte qabıl etilgen birgeliktegi qarar tiykarında Ózbekstan kásiplik awqamları háreketiniń 120 jıllıǵı múnásibeti menen “Sport salamatlıq girewi!” súreni astında spartakiada jarısları shólkemlestirildi.

Onda qala hám rayonlardaǵı sport mekteplerindegi 30 jas hám onnan joqarı jastaǵı xızmetkerlerden er adamlar arasında sporttıń mini futbol, hayal-qızlar arasında voleybol hám stol tennisi túrleri boyınsha jarıslar ótkerildi.
Spartakiadaǵa Qaraqalpaqstan Respublikası Mádeniyat ministrligi, Sport ministrliginiń juwapker xızmetkerleri, miynet veteranları hám Jaslar isleri basqarmasınan juwapkerler qatnastı.
Mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komiteti tárepinen jarıs jeńimpazlarına hám “Nominaciya” iyelerine arnawlı diplom, járdem kórsetken shólkemlerge “Alǵısnama” hám bahalı sawǵalar tapsırıldı.

Qaraqalpaqstan xabar agentligi