Ózbekstan Respublikası Prezidentiniń tapsırması menen Qaraqalpaqstan Respublikasında «Zarbdor» tájiriybesi tiykarında qáliplestirilgen «Drayver» joybarlardı ámelge asırıw baǵdarlaması qabıl etilgen edi.

Baǵdarlama sheńberinde Qaraqalpaqstan Respublikası Joqarǵı Keńesi Prezidiumınıń qararı menen 95V027 (4K40) «A380 avtomobil jolı (749 km.den) – Nókis qusshılıq fabrikası» avtomobil jolınıń 4 km bólegin asfaltlaw jumısları alıp barılmaqta.
Bul avtomobil jolı Nókis qalasınan Bestóbe elatına alıp barıwshı tiykarǵı jollardan biri bolıp, joldıń qalǵan bólimlerinde de belgilengen baǵdarlamaǵa tiykarlanıp ońlaw jumısları alıp barılatuǵının atap ótiw orınlı.

Qaraqalpaqstan xabar agentligi