Bozataw rayonında «Bes baslama olimpiadası» sheńberinde aymaqlardaǵı 16-30 jas aralıǵındaǵı hayal-qızlar arasında sporttıń mini futbol túri boyınsha «Mámleketlik qáwipsizlik xızmeti kubogi» jarısınıń rayonlıq basqıshı bolıp ótti.

Keskin ótken bellesiwler sońında, Erkindárya awıl puqaralar jıyınınan kelgen komanda birinshi orındı iyelewge miyasar boldı hám jarıstıń keyingi Qaraqalpaqstan Respublikası basqıshına jollamanı qolǵa kirgizdi.
Al, ekinshi hám úshinshi orınlardı Bozataw posyolkalıq puqaralar jıyını hám Qusqanataw awıl puqaralar jıyını komandaları jeńip alıwǵa eristi.

Adilbay Orazov,
Qaraqalpaqstan xabar agentligi sholıwshısı.