Agrotexnikalıq jumıslardı óz waqtında alıp barıw mol zúrááttiń gilti esaplanadı. Sebebi, eginge tárbiya berilmese, waqtında qaralmasa gúzgi qırmannan úmit kútpesekte boladı. Sonlıqtan da bul jaǵdaylardı esapqa alǵan jer iyeleri agrotexnikalıq qaǵıydalardı óz waqtında ámelge asırıwǵa háreket etedi.

Usı jıldıń mol zúrááti ushın shigit egilgen maydanlarda agrotexnikalıq ilajlardı ámelge asırıw, sonday-aq, birinshi kultivaciyalaw, azıqlandırıw, bioónim jetistiriw hám basqa da jumıslardı kózden ótkeriw maqsetinde Taqıyatas rayonındaǵı «Naymankól» awıl puqaralar jıyınındaǵı «Rashid» fermer xojalıǵında seminar bolıp ótti. Onda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshaev, rayon hákimi K.Aytbaev, fermer hám awıl xojalıǵı tarawı wákilleri qatnastı.
Seminardıń maqseti agrotexnikalıq jumıslardı óz waqtında alıp barıwdıń áhmiyetin túsindiriwge qaratılıp, fermerlerge bul boyınsha tolıq maǵlıwmatlar berildi. Sonday-aq, seminar dawamında fermerler de óz tájiriybeleri menen ortaqlasıp, usınısların bildirdi.

Qaraqalpaqstan xabar agentligi