Aljir Xalıq Demokratiyalıq Respublikasındaǵı «Vohalar», «Yangiliklar» sıyaqlı jetekshi basılımlar Al-Vodiy universiteti Kórkem óner hám tiller bóliminiń baslaması menen jurnalistikada awdarma máselelerine baǵıshlanǵan ilimiy simpozium shólkemlestirilgenin sáwlelendirdi.

Ánjumanda Ózbekstan Mámleketlik jáhán tilleri universiteti sırtqı baylanıslar bóliminiń basshısı doktor Ahmad Jasim Az-Zubaydiy da belsene qatnastı.
Tiykarı iraklı, házirgi waqıtta elimizde jumıs islep atırǵan bul ustaz awdarmashı «ǴXQda tekstti ózbek tilinen arabshaǵa awdarıwdıń lingivistikalıq ózgeshelikleri» temasındaǵı bayanatında media-awdarmanıń sıpatlaması, áhmiyeti hám hár qıylı platformalar arasındaǵı báseki dárejesin arttırıwdaǵı roline itibar berdi. ǴXQ awdarmanı jańalıqtı qaysı tilden awdarıp atırǵan bolsa, sol xalıqtıń mádeniyatın jaqınnan biliwi, ótkir jurnalistlik tuyǵı menen hár qıylı basım astında isley alıwı zárúr ekenligin atap ótti.
Doktor Az-Zubaydiydiń atap ótiwinshe, tarawdaǵı házirgi mashqalalar ǴXQ awdarmalarınan teksttiń sapasın támiyinlew ushın media tarawı hám kásiplik sheberligin puqta iyelewdi talap etedi. Atap aytqanda, terminologiyanı tańlawda anıqlıq hám ápiwayılıqqa umtılıw, málimlemeni jetkeriwde biytárep poziciyanı iyelew, belgili bir mádeniyatqa beyimlesiw, media tekstte anıqlıqqa erisiw áhmiyetli. Usı ózgeshelikler mánisi durıs hám anıq jetkeriliwi, ózbek hám arab tilleri arasındaǵı belgili ayırmashılıqtı esapqa alǵan halda, teksttegi atamalar bir-birine sáykes keliwin támiyinleydi.

Muharrama Pirmatova, ÓzA