Vatikanda Rim papası Franciskti jerlew máresimi bolip ótti. Pontifik penen xoshlasıw ushın 250 mıńǵa shamalas adam, sonıń ishinde, 50 mámleket basshısı hám 10 ámeldegi monarx keldi.

Máresimdi kardinal Jovanni Battista Re basqardı. Birinshi márte papanı jerlew máresiminde qıtay tilinde duwa oqıldı. Dástúriy italyan, latın hám grek tillerine qosımsha ráwishte francuz, arab, portugal, polyak hám nemis tillerinde de duwalar oqıldı.
Papa Francisktiń jerleniwiniń ózi – Franciscus jazıwı bar ápiwayı tabıtta – jabıq esikler artında ámelge asırıldı.

Qaraqalpaqstan xabar agentligi