Statistika basqarmasınıń maǵlıwmatlarına qaraǵanda, respublikamızda 2025-jıl yanvar-mart aylarınıń juwmaǵı menen kórsetilgen jámi xızmetlerdiń kólemi 6 trln. 980,3 mlrd. sum bolıp, ósim páti 2024-jıldıń usı dáwirine salıstırǵanda 107,3 procentti quraydı. Al, xızmetler kólemindegi kishi biznes hám jeke isbilermenlik subektleriniń úlesi 72,0 procentti quraydı.
– Qaraqalpaqstan Respublikası statistika basqarması Ózbekstan Respublikası Prezidenti xám Húkimeti tárepinen isbilermenlikti rawajlandırıw, olardıń xuqıqları menen máplerin qorǵawdı kúsheytiw boyınsha qabıl etken párman hám qararlardıń orınlanıwın támiyinlewge qaratılǵan mámleketlik statistika komitetiniń kompleksli ilajları rejesine muwapıq, óz jumısların ámelge asırmaqta,-deydi Qaraqalpaqstan Respublikası statistika basqarması Xızmetler tarawı statistikası bóliminiń baslıǵı Baxtiyar Tajibekov. – Bıyılǵı jıldıń basınan xalıqtıń jan basına 3 million 434,5 mıń sumlıq xızmetler kórsetildi.
Jámi kórsetilgen xızmetler kóleminde úlken úlesti tómendegi xızmet túrleri quraydı:
1. Turmıslıq hám awqatlanıw xızmetleri 2 350,7 mlrd. sum, úlesi 33,7 %
2. Transport xızmetleri 1 055,2 mlrd. sum, úlesi 15,1 %
3. Sawda xızmetleri 1 057,9 mlrd. sum, úlesi 15,1 %
4. Finanslıq xızmetler 901,0 mlrd. sum, úlesi 12,9 %
5. Baylanıs hám málimleme xızmetleri 298,9 mlrd. sum, úlesi 4,3 %
6. Bilimlendiriw tarawındaǵı xızmetler 279,9 mlrd. sum, úlesi 4,0 %
7. Jeke xızmetler 209,4 mlrd. sum, úlesi 3,0 %
8. Kompyuterlerdi ońlaw boyınsha xızmetler 193,4 mlrd. sum, úlesi 2,8 %.

Usı kórsetkishler xızmetler tarawınıń ekonomikada tutqan ornı oǵada áhmiyetli ekenligin kórsetpekte.
Á.Jiyemuratov,
Qaraqalpaqstan xabar agentligi.