“Ózbekstan-kitapqumarlar mákanı” súreni astında ótkerilip atırǵan V Respublikalıq “Kitapqumarlar hápteligi” sheńberindegi ilajlar dawam etpekte.

Usı jıl 24-aprel kúni Qaraqalpaqstan awıl xojalıǵı hám agrotexnologiyalar institutı málimleme-resurs orayı tárepinen shólkemlestirilgen instituttaǵı “Kitapqumarlar hápteligi”niń ashılıw máresimi bolıp ótti.
Ilajǵa institut basshıları, málimleme-resurs orayı qánigeleri, tyutorlar hám student jaslar qatnastı.
Ilajda málimleme-resurs orayınıń baslıǵı U.Amanjolova shıǵıp sóylep, bul ilajdıń maqseti onı ótkeriw arqalı jaslarǵa “Kitapqumarlıq hápteligi”niń ideyasın ámelge asırıw, jaslar arasında kitapqumarlıq mádeniyatın rawajlandırıw, kitapqumarlıqqa keńnen tartıw, olardıń sabaqtan bos waqıtların mazmunlı ótkeriw, sóz baylıǵın keńeytiw, sociallıq belsendiligin, Watanımızǵa bolǵan sadıqlıǵın arttırıwdan ibarat.
Ilajda jaslar ózbek, qaraqalpaq hám dúnya ádebiyatınıń dúrdanaları menen keńnen tanıstırıldı.
Pikir-usınıslar bildirilip, jaslar ózlerin qızıqtırǵan sorawlarǵa juwap aldı.

Qaraqalpaqstan xabar agentligi