Global ekonomikada qáwip-qáterler kóbeymekte. Bul jaǵdayda Ózbekstan húkimeti ishki bazardı qorǵaw, kontrabandanıń aldın alıw hám milliy islep shıǵarıwshılardı qollap-quwatlaw maqsetinde áhmiyetli qarar qabılladı.

Fizikalıq shaxslar tárepinen tovarlardı alıp kiriw tártibi qayta kórip shıǵılıp, birden-bir bajıxana tólemi biykar etiledi hám anıq normalar belgilendi.
Bajısız alıp kiriw normaları:
– Hawa transportı – 1000 dollar
– Temir jol hám dárya transportı – 500 dollar
– Avto hám piyada ótiw punktleri – 300 dollar
– Kurerlik jóneltpeleri – 200 dollar
Bul norma az dep oylawıńız múmkin, negizinde onday emes. Evropa Awqamı mámleketlerinde bul limit – 330-480 dollar átirapında, Túrkiyada – 480 dollar (jóneltpe: 79 dollar), Qıtayda – 722 dollar (jóneltpe 288 dollar) muǵdarında belgilengen.
Eń tiykarǵısı, bunnan qanday nátiyje kútilmekte?
– Milliy islep shıǵarıwshı básekige shıdamlı boladı;
– Capasız hám arzan import tovarlar aǵımı sheklenedi;
– Bahanıń turaqlılıǵı támiyinlenedi;
– Ekonomikalıq qáwip-qáterlerge qarsı qorǵaw artadı.

Qaraqalpaqstan xabar agentiligi