Ankara qalasında Ózbekstan Respublikası Oliy Majlisi Senatınıń Baslıǵı Tanzila Norboeva Túrkiya Respublikası shańaraq hám sociallıq xızmetler ministri Mahinur Ozdemir Gyoktash penen ushırasıw ótkerdi.

Ushırasıwda Ózbekstan hám Túrkiya arasında sociallıq tarawda birge islesiwdi keńeytiw máseleleri kórip shıǵıldı. Atap aytqanda, tárepler sociallıq qorǵaw, shańaraq institutı jáne hayal-qızlar hám balalardıń huqıqların támiyinlew áhmiyetli ekenligin atap ótti.
Sonday-aq, sociallıq xızmet xızmetkerleriniń mamanlıǵın arttırıw, tómengi buwınǵa shekem sapalı sociallıq xızmetler kórsetiw sistemasın támiyinlew, tiyisli nızamshılıqtı jetilistiriw boyınsha tájiriybe almasıw haqqında pikir bildirildi.
Ózbekstan hám Túrkiya arasında aymaqlararalıq birge islesiw jolǵa qoyılǵanın esapqa alıp, shańaraq, hayal-qızlar máseleleri hám sociallıq xızmet kórsetiwdiń aymaqlıq bólimleri arasında óz-ara tájiriybe almasıw máselelerine ayrıqsha itibar qaratıldı.
Sonıń menen birge, hayal-qızlar isbilermenligin qollap-quwatlaw maqsetinde eki mámleket isbilermen hayal-qızlarınıń biznes-forumların ótkeriwge kelisip alındı.

ÓzA