Oraylıq bank basqarması 2025-jıl 24-apreldegi májilisinde tiykarǵı stavkanı jıllıq 14 procent dárejesinde saqlap qalıw haqqında qarar qabıl etti.
Atap ótiliwinshe, jalpı talap hám usınıs arasındaǵı cáykes kelmewshilikler jáne sırtqı anıqsızlıqlardıń kúsheyip barıwı menen baylanıslı qáwip-qáterler pul-kredit sharayatların salıstırmalı isenimli, ámeldegi dárejede saqlap qalıwdı talap etpekte.
Sońǵı aylarda qáliplesken ulıwma hám bazalıq inflyaciya kórsetkishleri inflyaciyalıq processler hám jaǵdaydıń turaqlı jaǵdayda qalıp atırǵanın kórsetpekte.
Jıl basınan ulıwma inflyaciya dárejesi ósiwshi trendke ótip, mart ayında jıllıq 10,3 procentti quradı. Sonıń menen birge, bazalıq inflyaciya da jedellesiwdi dawam ettirip, jıllıq 8,1 procentke jetti. Bul, óz gezeginde, bahalarǵa usınıs faktorları menen bir qatarda, talap faktorları da arttırıwshı tásir kórsetip atırǵanın kórsetpekte.
Janılǵı hám energiya támiynatınıń jaqsılanıwı hám almasıw kursınıń salıstırmalı turaqlı qáliplesiwi tásirinde xalıq hám isbilermenlerdiń inflyaciyalıq kútilmeleri mart ayında tómenlegen bolsa da, ámeldegi inflyaciya kórsetkishlerinen joqarı dárejede qalmaqta.
Usı jıldıń basınan tiykarǵı sawdada birge islesiwshiler valyuta kurslarınıń bekkemleniwi hám sum almasıw kursınıń sawdada birge islesiwshi mámleketlerdiń valyuta kurslarına salıstırǵanda turaqlılıǵı fonında real nátiyjeli almasıw kursı óziniń orta múddetli trendi sheńberinde qáliplespekte.
Jańalanǵan prognozlarǵa bola, 2025-jıldıń aqırına shekem ulıwma inflyaciya kórsetkishi 7-8 procentlik prognoz koridorınıń joqarı shegarasına jaqın dárejede qáliplesiwi kútilmekte.
Birinshi sherekte jalpı tutınıw hám investiciyalıq belsendiliktiń artıwı esabınan ekonomikalıq ósim 6,8 procentke shekem jedellesti. Transshegaralıq pul ótkermeleri kóleminiń joqarı ósimi hám kreditlew potencialınıń jedellesiwi de jalpı talaptı qollap-quwatlamaqta.
Usı jılı joqarı ekonomikalıq belsendilik esabınan jalpı ishki ónimniń ósiw tendenciyası dawam etip, jıl juwmaǵında 6 procent átirapında qáliplesiwi prognoz etilmekte. Onda jeke menshik investiciyalar ekonomikalıq ósimdi qollap-quwatlaytuǵın faktor bolıp, tovar hám xızmetler usınısınıń artıwına xızmet etedi.
Jıl basınan tiykarǵı sawda sherikler valyuta kurslarınıń bekkemleniwi hám sum almasıw kursınıń sawdada sherikles mámleketlerdiń valyuta kurslarına salıstırǵanda turaqlılıǵı fonında real nátiyjeli almasıw kursı óziniń orta múddetli trendi sheńberinde qáliplespekte.
Pul-kredit sharayatları házirgi bekkemlik dárejesiniń saqlanıp qalınıwı keleshekte kreditlew kólemi ósiminiń turaqlasıwı hám depozitlerdiń joqarı ósim pátleri dawam etiwin támiyinlep jalpı talaptı teńlestiriwshi hám monetar faktorlardıń inflyaciyaǵa tásirin azaytıwshı ózgeshelikke iye boladı.
Sh.Mamaturopova, ÓzA