Ózbekstan Respublikası Prezidenti Shavkat Mirziyoev Túrkmen xalqınıń milliy jetekshisi, Túrkmenstan Xalıq Másláháti Baslıǵı Gurbanguli Berdimuhamedov penen birge Samarqandtaǵı xalıqaralıq turizm orayında shólkemlestirilgen “Zamanlar hawazı” kórgizbesine bardı.

Miymanlarǵa kórgizbeniń tiykarǵı bólegi – túngi sahra kórinisi kórsetildi. Juldızlı aspan múshelleri, Mırza Ulıǵbek kartası hám meridianlar kórinedi. Tamashagóy tap Ullı Jipek jolı boylap háreketlenip atırǵan kárwan sıyaqlı qum tóbeshikleri arasınan ótedi. Jol boyı adamzat civilizaciyasınıń rawajlanıw tariyxı sáwlelendirilip barıladı.
Ózbek hám túrkmen kórkem óner sheberleri atqarıwında duwtar hám tanbur shertilip, ullı shayırlar Áliysher Nawayı hám Maqtumqulınıń ǵázzelleri oqıldı.
Innovaciyalıq prezentaciyada arnawlı bezewler hám teatrlastırılǵan saxnalar keńnen qollanılǵanı miymanlarda úlken tásir qaldırdı.

ÓzA