Mámleketimizde investiciyalıq siyasattı túp-tiykarınan jetilistiriw hám ámelge asırıwda zamanagóy, sapalı qatnas mexanizmlerin engiziw, sonday-aq, investiciya procesin jedellestiriw hám ulıwma isbilermenlik sharayatın jaqsılaw boyınsha basqıshpa-basqısh ilajlar ámelge asırılmaqta. Bul ilajlar ekonomika tarmaqların, sociallıq hám óndirislik infrastrukturaların jedel rawajlandırıw hám modernizaciyalawǵa xızmet etpekte.

Investiciyalıq ortalıqtıń jaqsılanǵanı, kerekli sharayatlar jaratılǵanı nátiyjesinde 2025-jıldıń yanvar-mart aylarınıń juwmaǵı menen Respublikanıń tiykarǵı kapitalın kóbeytiwge 5 trillion 560,1 mlrd. sumnan aslam investiciya kirgizilip, sonnan sırt el investiciyaları hám kreditleri 4 trillion 075,0 mlrd. sumdı yamasa 314,1 mln. AQSh dolların quradı.
Qaraqalpaqstan Respublikasına tiykargı kapitalga kirgizilgen investiciyalardıń 603,2 mlrd. sumı qayta islew sanaatına, 324,7 mlrd. sumı awıl, toǵay hám balıq xojalıǵına, 421,3 mlrd. sumı tasıw hám saqlaw, 919,0 mlrd. sumı qurılıs xızmet túrine, 33,8 mlrd. sumı kótere hám usaqlap satıwǵa, 40,3 mlrd. sumı bilimlendiriw xızmet túrlerine jumsalǵan.
2025-jıldıń yanvar-mart aylarında ulıwma maydanı 167,1 mıń kv.m. bolǵan 856 turaq jay pitkerip tapsırılǵan. Sonnan 74,3 mıń kv.m.lik 405 turaq jay awıllıq jerlerge tuwra keledi.
Mámleketimizde xalıktıń turmıs dárejesin jaqsılaw, ámeldegi óndiristi texnikalıq xám texnologiyalıq qayta úskenelew, strategiyalıq áhmiyetke iye tikkeley sırt el investiciyaların ózlestiriw hám resurslardan durıs paydalanıwdaǵı aktiv investiciyalıq siyasattı alıp barıw ilajları dawam etpekte.

Salamat Muxamatdinov,
Qaraqalpaqstan Respublikası statistika basqarması
Investiciya hám qurılıs statistikası bóliminiń baslıǵı .
Qaraqalpaqstan xabar agentligi.