Qaraqalpaqstan Respublikasında kurılıs tarawı jedel rawajlanıp baratırǵan ekonomikamızdıń áhmiyetli bir bólegi esaplanadı.

Statistika basqarmasınıń maǵlıwmatlarına qaraǵanda, respublikamızda 2025-jıldıń yanvar-mart ayları dawamında, jámi 1764,4 mlrd. sumlıq qurılıs jumısları ámelge asırılıp, ósim páti ótken jıldıń usı dáwirine salıstırǵanda 105,8 procentti quraydı.
Qurılıs jumısları kóleminde iri qurılıs kárxanaları tárepinen islengen qurılıs jumısları 159,1 mlrd. sumdı qurap, ósim páti 109,1 procentke erisildi. Jámi qurılıs jumısları kólemindegi úlesi 9,0 procentti quradı.
Kishi kárxana hám mikrofirmalar tárepinen islengen qurılıs jumıslarınıń úlesi 59,6 procentti qurap, olardıń esabına tuwra kelgen qurılıs jumıslarınıń kólemi 1 052,3 mlrd. sum muǵdarında bolıp, ósim páti 110,1 procentke erisildi.
Rásmiy bolmaǵan sektor esabına tuwra kelgen qurılıs jumısları jámi qurılıs jumıslarınıń 31,4 procentin qurap, 553,0 mlrd. sum muǵdarında esaplandı. Ótken jıldıń usı dáwirine salıstırǵanda ósim páti 97,6 procentti quradı.
Qurılıs jumıslarınıń eń joqarı úlesi Nókis qalası (21,2%), Tórtkul (7,6%), Ellikqala (4,9%), Beruniy (4,6%) rayonlarına tuwra keldi.

Qaraqalpaqstan xabar agentligi.