Bajıxana tártip-qaǵıydalarındaǵı ózgerisler alıs “Qaraqalpaqstan” posyolkasında da úgit-násiyatlanbaqta.

Aldın xabar bergenimizdey, Ózbekstan Respublikası Ministrler Kabinetiniń usı jıl 19-apreldegi “Ayırım túrdegi tovarlardı bajıxana shegarası arqalı alıp ótiw tártibin bunnan bılay da jetilistiriw ilajları haqqında”ǵı qararına tiykarlanıp, temir jol shegara bajıxana postı arqalı tovar-materiallıq baylıqlardı bajısız alıp ótiw muǵdarı 500 AQSh dolları ekvivalentinde belgilendi.
Usı jıl 1-maydan ámeliyatqa engizilip atırǵan bul ózgerisler menen “Qaraqalpaqstan” temir jol shegara bajıxana postı arqalı háreketlenip atırǵan puqaralar, temir jol stanciyası xızmetkerleri hám Nókis qalasınan 430 km uzaqlıqta jasaytuǵın awıl puqaraları jaqınnan tanıstırıldı.
Úgit-násiyat ilajları dawamında bajıxana tártiplerine kirgizilip atırǵan ózgerisler, bajıxana shegaraları arqalı tovar-materiallıq baylıqlardı alıp ótiw normaları tereń túsindirilip, bul baǵdarda tayarlanǵan buklet hám flaerler puqaralarǵa tarqatıldı.

Qaraqalpaqstan xabar agentligi