Nawayı mámleketlik kánshilik hám texnologiyalar universiteti janındaǵı Nókis kánshilik institutında Ózbekstan Respublikası Prezidentiniń «2025-jılda respublika máhállelerinde qáwipsiz ortalıqtı jaratıw hám huqıqbuzarlıqlardıń aldın alıw sistemasınıń nátiyjeligin arttırıw boyınsha ilajlar haqqındaǵı»ǵı qararınıń áhmiyetin túsindiriw maqsetinde, ushırasıw keshesi bolıp ótti.

Ilajdı institut direktorınıń Jaslar menen islesiw, ruwxıylıq hám aǵartıwshılıq isleri boyınsha birinshi orınbasarı D.Qurbaniyazov basqarıp bardı.
Onda Qaraqalpaqstan Respublikası sudınıń sudyası N.Baltabaeva hám institut profilaktika inspektorı A.Bekbergenovlar elimiz boylap máhállelerde qáwipsiz aymaqtı jaratıw hám huqıqbuzarlıqtıń aldın alıw, oǵan jol qoymaw búgingi kúnde tiykarǵı máselelerden biri bolıp esaplanatuǵınlıǵın hám huqıqbuzarlıqtıń aldın alıw sistemasın jetilistiriw, qáwipsizlikti támiyinlew baǵdarında huqıq qorǵaw uyımlarınıń nátiyjeli jumıslarına toqtap ótti. Ushırasıwda student-jaslar tarawǵa baylanıslı sorawlarına tiyisli juwap aldı.

Qaraqalpaqstan xabar agentligi