Beruniy rayonında Prezidenimizdiń “Karate (WKF) sport túrin jáne de rawajlandırıw ilajları haqqında» ǵı qararınıń orınlanıwın támiyinlew boyınsha Karate (WKF) orayı shólkemlestirildi. Oraydıń ashılıw máresiminde Qaraqalpaqstan Respublikası Sport ministri E.Qutıbaev, rayon hákiminiń birinshi orınbasarı U.Matirzaev, taraw qánigeleri hám sportshı jaslar qatnastı.

Ilajda sózge shıqqanlar, mámleketimizde sport tarawın rawajlandırıw boyınsha alıp barılıp atırǵan keń kólemli reformalar, jas áwladtıń sport penen shuǵıllanıwı ushın jaratılıp atırǵan imkaniyatlar hám tarawda erisilip atırǵan tabıslardı atap ótti.
Ilaj dawamında rayonlardan kelgen sportshılar arasında jarıs shólkemlestirilip, jeńimpazlar múnásip sıylıqlandı.
Bunnan soń ministr E.Qutıbaev rayonındaǵı sport mektebinde bolıp, ol jerdegi sportshılar ushın jaratılǵan sharayatlar menen tanıstı hám shuǵıllanıwshılar ele de joqarı nátiyjelerge erisiwi ushın qolaylı sharayatlar jaratıwı kerekligi boyınsha tapsırmalar berdi.

Qaraqalpaqstan xabar agentligi