Ámiwdárya rayonı CHoykól awıl puqaralar jıyınında Qaraqalpaqstan Respublikası Ministrler Keńesi Baslıǵınıń Jámiyetlik hám diniy shólkemler menen baylanıslar boyınsha orınbasarı R.Nurazizovtıń qatnasıwında kóshpeli qabıllaw shólkemlestirildi.

Onda barlıq tarawlar boyınsha respublika hám rayon dárejesindegi juwapkerler hám xalıq wákilleri qatnastı, – dep maǵlıwmat beredi rayon hákimligi Málimleme xızmeti bólimi.
Qabıllaw procesinde puqaralar tárepinen túrli máseleler boyınsha múrájatlar bildirildi.
Puqaralar tárepinen bildirilgen máselelerdiń ayırımları qabıllaw dawamında óziniń unamlı sheshimin taptı. Al, qosımsha úyreniw hám múddet talap etetuǵın múrájatlardı tez pursatta sheshiw ushın tiyisli juwapkerlerge tapsırma hám kórsetpeler berildi.
Sonday-aq, puqaralar juwapkerlerge ózlerin qızıqtırǵan sorawların berip, juwap aldı.

Qaraqalpaqstan xabar agentligi