Jámiyettiń rawajlanıwına keri tásir kórsetiwshi, puqaralardıń huqıqları menen erkinliklerin sheklep, ádilsizlikti keltirip shıǵarıwshı korrupciya illetine qarsı gúresiw keń jámiyetshilikti qamtıp almaqta.

Ózbekstan Respublikası Prezidentiniń 2025-jıl 5-mart kúngi kórsetpesine bola, “Korrupciyaǵa qarsı gúresiwdi jetilistiriw” boyınsha ”Korrupciyasız keleshek” temasında úgit-násiyat alıp barıwshı jumısshı topar dúzilgen.
Qaraqalpaqstan Respublikası boyınsha dúzilgen jumısshı topar aǵzaları, topar basshısı, yuridika ilimleriniń doktorı A.Qahramonovtıń basshılıǵında Nókis qalasındaǵı 46-sanlı ulıwma bilim beriw mektebinde ushırasıw ótkerdi.
Mekteptiń pedagoglar jámááti, klass basshıları hám oqıwshıları arasında túsinik jumısların alıp barıp, bul illettiń keltirip shıǵaratuǵın aqıbetleri keńnen dodalandı. Mekteplerde korrupciyanıń aldın alıw máseleleri boyınsha pikir-usınıslar tıńlanıp, qatnasıwshılar ózlerin qızıqtırǵan sorawlarǵa juwap aldı.
Bul baǵdardaǵı ilajlar orınlarda dawam etpekte.

Qaraqalpaqstan xabar agentligi