Qaraqalpaqstan Respublikası Joqarǵı Keńesiniń deputatı H.Sultanov 2025-jıldıń 1-shereginde ámelge asırılǵan jumısları boyınsha esabat beriwi ushın Ellikqala rayonındaǵı Qırqqızabad APJ imaratında saylawshılar menen ushırasıw ótkerdi.
Ámelge asırılǵan jumıslar boyınsha esabatı tıńlanıp, tiyisli shólkemlerge jiberilgen deputatlıq sorawlarǵa berilgen juwaplar hám ámelge asırılıp atırǵan jumıslar haqqında maǵlıwmatlar berildi.
Soń, Ózbekstan Respublikası Prezidentiniń “Kámbaǵallıqtı qısqartıw hám xalıqtıń turmıs abadanlıǵın arttırıw baǵdarındaǵı ilajlardı jańa basqıshqa alıp shıǵıw haqqında”ǵı pármanı tiykarında ámelge asırılıp atırǵan jumıslar dodalandı.
Sonday-aq, Qaraqalpaqstan Respublikası Joqarǵı Keńesiniń úshinshi sessiyasında kórip shıǵılǵan máseleler tanıstırıldı, – dep maǵlıwmat beredi Ellikqala rayonı hákimligi Málimleme xızmeti bólimi.
Aymaq turǵanları deputatqa aymaqta ushırasıp atırǵan mashqalalar boyınsha múrájatlar bildirdi.
Bildirilgen múrájatlardıń sheshiliwi boyınsha deputatlıq qadaǵalaw jumısların alıp barıw boyınsha wazıypalar belgilep alındı.
Qaraqalpaqstan xabar agentligi