Aqıl, tereń bilim jarısı bolǵan intellektuallıq oyınlar kúnnen-kúnge zamanagóy, tariyxıy, kásipke baylanıslı hám basqa da qızıqlı sorawlar menen bayıp, tarawlardaǵı xızmetkerler arasında da ótkerilip barılıwı úrdiske aylanbaqta.
Usınday jarıslardıń biri – “Zakovat” intellektuallıq oyını Xojeli rayonı Málimleme-kitapxana orayında shólkemlestirildi.
“Zakovat” intellektuallıq oyının ótkeriwden maqset – taraw xızmetkerleri arasında kitapqumarlıqtı keńnen úgit-násiyatlaw bolıp esaplanadı.
Ilajda Xojeli rayonı Ishki isler bóliminiń “Antakiya,” “Adolat”, Milliy Gvardiyanıń “Qalqon”, Ayrıqsha jaǵdaylar bóliminiń “Suńqarlar” komandası xızmetkerleri bellesti.
Ilaj juwmaǵında IIBniń “Adolat” komandası jeńimpaz boldı. Qatnasıwshılarǵa Ishki isler bólimi tárepinen diplom hám sawǵalar tapsırıldı. Xojeli rayonı Málimleme-kitapxana orayına minnetdarshılıq xatı hám kitap sawǵa etildi.
Á.Jiyemuratov,
Qaraqalpaqstan xabar agentligi.