Salqın ishimlikler, turmıslıq texnika, farmacevtika, alkogol hám temeki sıyaqlı ónimlerdi markirovkalaw sisteması engizilgen.

Biraq, barlıq nızam-qaǵıydalarǵa sáykes islep atırǵan isbilermenlerdiń ónimleri menen bir waqıtta markirovkasız tovarlar da arqayın satılıp atırǵan jaǵdaylar baqlanbaqta. Barlıq dúkanlar da markirovka menen islemegeni ushın qadaǵalaw shınjırı úzilip qalmaqta.
Salıq hám Bajıxana komitetlerine markirovkalawdıń óndiris kólemine unamsız tásirin azaytıw ilajların islep shıǵıw, markirovkalaw talabınıń orınlanıwı ústinen qadaǵalawdı kúsheytiw tapsırıldı.
Qımbat bazarlarda talap joqarı bolǵan ayırım tovarlar eksportına sheklew bolmaytuǵını járiyalandı. Tek ǵana 86 tovar toparına kirgen shiyki zat hám sociallıq áhmiyeti joqarı ónimlerge eksport bajıları engiziledi.
Bul isbilermenlerimiz ushın jańa imkaniyat ekeni atap ótildi.
– Bir nárseni anıq túsiniw kerek. Eger isbilermenler qımbat bazarlarǵa islese, olarda ónimdi kóbeytiw, sapanı jaqsılawǵa umtılıs, qızıǵıwshılıq artadı, máp boladı,-dedi Prezident.

ÓzA