Qaraqalpaqstan Respublikası Salıq basqarmasınıń baslıǵı X.Bekchanov hám Xojeli rayonı hákimi J.Ermashevlar rayondaǵı kishi hám orta isbilermenlik subektleriniń wákilleri menen ashıq sáwbetlesiw ótkerdi.

Ushırasıwda salıq tarawındaǵı sońǵı ózgerisler, atap aytqanda, Prezidentimizdiń usı jıl 19-marttaǵı “Kishi hám orta biznestiń ekonomikadaǵı ornın arttırıw ilajları haqqında”ǵı pármanına muwapıq isbilermenlik subektlerine berilip atırǵan imkaniyatlar haqqında hár tárepleme maǵlıwmatlar berildi.
Isbilermenlerdiń qatarın jáne de keńeytiw, jaratılıp atırǵan imkaniyatlardan nátiyjeli paydalanıwın támiyinlew maqsetinde shólkemlestirilip atırǵan ushırasıwlarda salıq nızamshılıǵına baylanıslı ózgerisler hám jańalıqlar haqqında sóz etilip, jeke menshik sektor wákilleriniń bar mashqala hám usınısları úyrenilmekte.
Isbilermenlerdiń salıq jeńilliklerin qollanıw, turaq jay emes obektlerge múlk salıǵın esaplaw, bank hám kadastr uyımları menen baylanıslı mashqala hám usınısları tıńlanıp, unamlı sheshiw ilajları kórildi.
Ushırasıwda qatnasıwshılardıń da pikir-usınısları tıńlanıp, olar ózlerin qızıqtırǵan sorawlarǵa juwap aldı.

Qaraqalpaqstan xabar agentligi.