Qaraqalpaqstan Respublikası Joqarǵı Keńesiniń deputatı Ulıǵbek Jalmenov Shomanay rayonında saylawshılar menen ushırastı.

Ushırasıwǵa xalıq deputatları Shomanay rayonlıq Keńesiniń deputatları, rayon hákimligi hám mámleketlik mákeme, shólkemlerdiń wákilleri, Monshaqlı, Mádeniyat, Taza bazar MPJ turǵınları qatnastı.
Ushırasıwda Ózbekstan Respublikası Prezidentiniń párman hám qararları, olardıń áhmiyeti hám mazmunı, tarawlarda ámelge asırılıp atırǵan ózgerisler menen jańalıqlar, sonday-aq, máhállelerde isleniwi kerek áhmiyetli jumıslar boyınsha pikir alısıldı.
Deputat U.Jalmenov 2025-jıldıń birinshi sheregi dawamında alıp barǵan jumısları boyınsha saylawshılarǵa esabat berdi.
Deputat esabatınan soń, máhállelerde ushırasıp atırǵan mashqalalar boyınsha pikir-usınıslar tıńlandı.
Ushırasıwda puqaralardıń jeke múrájatları da tıńlanıp, orınlanıwı boyınsha deputat tárepinen qadaǵalawǵa alındı.
Elimizde ámelge asırılıp atırǵan reformalardıń mazmunın keń jámiyetshilikke jetkeriw, xalıqtıń mashqalalarına sheshim tabıw baǵdarındaǵı bunday ilajlar orınlarda dawam etpekte.

Qaraqalpaqstan xabar agentligi