Beruniy rayonında Sociallıq qorǵaw milliy agentligi Qaraqalpaqstan Respublikası Basqarması baslıǵı S.Daniyarov rayondaǵı máhálle jetiligi menen oqıw seminarın ótkerdi.

Onda rayon hákiminiń birinshi orınbasarı U.Matirzaev, IIB baslıǵı M.Muratov qatnastı.
Seminarda Ózbekstan Respublikası Prezidentiniń “2025-jılda respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw boyınsha ilajlar haqqında”ǵı qararında belgilengen wazıypalardıń orınlanıwın támiyinlew boyınsha sáwbet ótkerildi, – dep maǵlıwmat beredi Beruniy rayonı hákimligi Málimleme xızmeti bólimi.
Sonday-aq, Ózbekstan Respublikası Prezidentiniń “Janar may – energetika tarawında bazar mexanizmlerin engiziwde járdemge mútáj xalıqtı mámleket tárepinen qollap-quwatlawdıń qosımsha ilajları haqqında”ǵı qararına tiykarlanıp janar may – energetika resursları bahaların basqıshpa-basqısh bazar principlerine ótkeriw dáwirinde xalıqtı, sonıń ishinde, járdemge mútáj shańaraqlardı mámleket tárepinen qollap-quwatlawǵa qaratılǵan ilajlardıń sapalı hám belgilengen múddetlerde orınlanıwın támiyinlew boyınsha tiyisli taraw wákilleri túsindiriw jumısların alıp bardı.

Qaraqalpaqstan xabar agentligi