Qanlıkól rayonı hákimliginde taraw xızmetkerleriniń qatnasıwında rayonda awıl xojalıǵı tarawında báhárgi egis jumıslarına arnalǵan operativ májilis ótkerildi.

Rayon hákimi B.Sultanov hám respublikadan biriktirilgen wákiller shigit egisiniń barısı hám onıń agrotexnikasına toqtap ótti.
Atap ótilgenindey, rayonda usı jıldıń zúrááti ushın 139 fermer xojalıǵında 5700 gektar maydanǵa shigit egiw názerde tutılǵan. Bul ushın 6 shaqapsha, 8 aymaqqa 10 egis otryadı dúzilip olardıń quramına joqarı ónimdarlı súrim hám transport traktorları, egiw agregatları hám awıl xojalıǵı texnikalarına servis xızmetin kórsetiwshi texnikalar biriktirilgen.
Ilajda bunnan basqa da jerlerdi waqtında súriw, egistiń sapasına ayrıqsha itibar qaratıw ilajları belgilendi.

Qaraqalpaqstan xabar agentligi