Oliy Majlis Senatınıń Jaslar, hayal-qızlar, mádeniyat hám sport máseleleri komitetiniń baslıǵı Orazgul Kozixonova Latviyanıń «Marta» orayınıń basshısı Iluta Lace menen ushırasıw ótkerdi.

Ushırasıw barısında gender zorlıqtan jábirlengen hayal-qızlardı qollap-quwtalaw, olardıń huqıqları menen imkaniyatların keńeytiwge qaratılǵan nátiyjeli mexanizmlerdi jaratıw máseleleri dodalandı.
Sonday-aq, bul baǵdarda jumıs alıp barıp atırǵan MKSh hám mápdar shólkemler ushın xalıqaralıq standartlarǵa tiykarlanǵan jumıs metodologiyasın islep shıǵıw, bul metodologiyanı ámelge asırıw hám qánigeler tayarlaw zárúrligi atap ótildi.
Bunnan tısqarı, hayal-qızlar hám balalarǵa zorlıq kórsetiwdiń aldın alıw, bul tarawda birge islesiwdiń áhmiyetli baǵdarları hám keleshekte ámelge asırılıwı múmkin bolǵan birgeliktegi joybarlar boyınsha da pikir alısıldı.
Iluta Lace Ózbekstandaǵı demokratiyalıq reformalar procesin joqarı bahalap, parlamenttiń jámiyetti reformalawdaǵı roli artıp atırǵanın ayrıqsha atap ótti. Sonıń menen birge, ol insan huqıqları hám gender teńlik tarawındaǵı ulıwmalıq maqsetlerge erisiwde «Marta» orayı Ózbekstannıń tiyisli shólkemleri menen birge islesiwdi bunnan bılay da kúsheytiw zárúrligin atap ótti.

ÓzA