Tájikstannıń shıǵısında ekshembi kúni izbe-iz júz bergen jer silkiniw nátiyjesinde toqsan tórt jay búlindi, dep xabar tarqattı respublika húkimeti janındaǵı Ayrıqsha jaǵdaylar hám puqaralıq qorǵanıw komitetiniń Krizisti basqarıw boyınsha orayı.

Bunnan aldın Rasht wálayatında jer silkiniwi aqıbetinde úsh jasar bala qaytıs bolǵanı haqqında xabar berilgen.
Maǵlıwmatqa qaraǵanda, 200 den aslam járdemshi imarat, sonıń ishinde, medicina kompleksi, shayxanalar búlingen hám zıyan kórgen.
Milliy ilimler akademiyası Geofizika xızmetiniń esabatında 2025-jıl 13-aprel kúni saat 09:24 te mámlekette kúshli jer silkiniw boldı. 5-6 ballıq magnitudalı jer silkiniw oshaǵı Dushanbe qalasınan 160 kilometr arqa-shıǵısta ekeni anıqlandı. Sol kúni tábiyǵıy apatshılıq úsh márte qaytalanǵanı sezilgen.

Qaraqalpaqstan xabar agentligi