Awıl xojalıǵı tarawında jerdi qayta islew – diyqanshılıqtıń tiykarı bolıp, keleshekte jetistiriletuǵın ónimniń mol hám sapalı bolıwına tikkeley tásir etip, jıldıń hár bir máwsiminen únemli paydalanıwdı talap etedi.

Tórtkúl rayonı “Tazabaǵjap” awıl puqaralar jıyını aymaǵındaǵı “Namunali Mansur” fermer xojalıǵı atızlarında kórgizbeli seminar bolıp ótti.
Ótkerilgen kórgizbeli seminar áhmiyetli processlerdi qamtıp aldı.
Onda Tórtkúl rayonı hákimi R.Shamuratov, Qaraqalpaqstan Respublikası Ministrler Keńesi Baslıǵınıń orınbasarı Sh.Teshaev, Ózbekstan Fermerler keńesi baslıǵınıń birinshi orınbasarı K.Sabirov, tiyisli shólkemler hám fermer xojalıqlarınıń basshıları qatnastı, – dep maǵlıwmat beredi Tórtkúl rayonı Málimleme xızmeti bólimi.
Seminar dawamında ǵawashanıń qatar araların qayta islew, azıqlandırıw, awıl xojalıǵı zıyankeslerine qarsı gúresiw boyınsha bir qatar máseleler haqqında sóz etildi.

Qaraqalpaqstan xabar agentligi