«Wzagrosuǵurta» akcionerlik jámiyeti, Ózbekstan qamsızlandırıw bazarınıń jetekshi qatnasıwshılarınan biri sıpatında, dúnyadaǵı eń abıraylı reyting agentliklerinen biri – Moody’s Investors Service tárepinen «Ba3» dárejesinde uzaq múddetli qarjılay turaqlılıq reytingine iye boldı. Reyting prognozı – «turaqlı».

Moody’s tárepinen járiyalanǵan esabatta atap ótiliwinshe, «VaZ» reytingi kompaniyanıń tómendegi tiykarǵı ústinliklerin kórsetedi:
– Ózbekstan qamsızlandırıw bazarındaǵı bekkem poziciyası;
– Kapital bazasınıń isenimliligi hám rezervleriniń jeterli ekenligi;
– Qamsızlandırıw portfeliniń diversifikaciyalanǵanlıǵı;
– Mámleket tárepinen kórsetilip atırǵan qollap-quwatlaw, bul bolsa qosımsha qarjılay turaqlılıqtı támiyinleydi.
Bul jetik kompaniyanıń turaqlı rawajlanıp atırǵanın jáne bir márte tastıyıqladı. «Wzagrosuǵurta» AJ «Axbor-Reyting» agentligi tárepinen «uzA++» reytinigine iye bolıp, oǵan «turaqlı» prognozı berilgen. Sonday-aq, kompaniya sapa menedjmenti sisteması boyınsha ISO 9001:2015 xalıqaralıq standartlarına muwapıqlıǵın tastıyıqlaytuǵın sertifikatqa da iye.
Bul jámiyettiń korporativ basqarıwdaǵı ashıq-aydınlıqqa ámel etip atırǵanın, hám milliy hám xalıqaralıq kólemde isenimli birge islesiwshi sıpatındaǵı statusın bekkemlep atırǵanın kórsetedi.
Moody’s Ratings tárepinen berilgen bul xalıqaralıq kredit reytingi «Wzagrosuǵurta» AJ tárepinen usınıs etilip atırǵan qamsızlandırıw xızmetlerine sırt el investorları hám jergilikli qarıydarlardıń isenimin jáne de arttırıwǵa xızmet etedi.

ÓzA