Qaraqalpaqstan Respublikası Joqarǵı Keńesiniń Baslıǵı Amanbay Orınbaev BMShtıń Ózbekstan Respublikasındaǵı turaqlı koordinatorı Sabina Maxl menen ushırastı.

Ushırasıwda dáslep Joqarǵı Keńes Baslıǵı sońǵı jılları elimizde húrmetli Prezidentimizdiń Qaraqalpaqstanǵa bolǵan ayrıqsha itibarı menen qabıl etilgen qarar hám pármanlar tiykarında ámelge asırılıp atırǵan keń kólemli dóretiwshilik jumıslardı atap ótti.
Ózbekstan Respublikası Prezidentiniń ayrıqsha tapsırması menen milliy Qara úydi YuNESKOnıń materiallıq emes mádeniy miyraslarınıń dizimine, Qobız saz ásbabın bolsa YuNESKOnıń qorǵaw dizimine kirgiziw boyınsha jumıslar alıp barılıp atırǵanın atap ótiw orınlı. Atap aytqanda, usı ámeliy jumıslar sheńberinde Qaraqalpaqstannıń mádeniy miyrasın qásterlew hám keleshek áwladlar ushın saqlap qalıw maqsetinde, YuNESKO xalıqaralıq shólkemi tárepinen Qobız saz ásbabı hám jırawshılıq miyrası haqqında hújjetli film tayarlandı.

Qaraqalpaqstan xabar agentligi