Nókis kánshilik institutında Qaraqalpaqstan Respublikası Joqarı Keńesi janındaǵı jámiyetlik fondı tańlawınıń «Talantlı jaslar -jámlespegen jaslarǵa órnek» atamasındaǵı joybarı tiykarında usı oqıw ornı student-jasları hám Jańabazar mákan puqaralar jıyını jasları menen birgelikte bir qatar ilajlar ámelge asırılmaqta.
Atap aytqanda, student-jaslar hám Jańabazar mákán puqaralar jıyını jasları arasında olardıń aqıl-parasatı, shaqqanlıǵı hám zeyinliligin sınaqtan ótkeriwshi «Zakovat Quiz» intellektuallıq oyını bolıp ótti.
Onda qatnasıwshılar Jaslar awqamı baslanǵısh shólkemi tárepinen shólkemlestirilgen sorawlarǵa tez hám anıq juwaplar berip, jarısqa belsene qatnastı. Jarıs sońında jeńimpaz toparlar shólkemlestiriwshiler tárepinen arnawlı diplom hám estelik sawǵalar menen sıylıqlandı.
-Búgingi ótkerilgen tańlawǵa institutımız student-jasları menen birge, Jańabazar mákan puqaralar jıyını aymaǵında jasawshı jaslar da belsene qatnastı. Aldaǵı waqıtları mámleketimiz hám xalıqaralıq kólemde ótkeriletuǵın intellektuallıq oyınlarda ózleriniń bilimin, aqıl-zeyinin kórsetedi dep oylaymız,-deydi institut direktorınıń Jaslar menen islesiw, ruwxıylıq hám aǵartıwshılıq isleri boyınsha birinshi orınbasarı Dawıtbay Qurbaniyazov.
«Talantlı jaslar -jámlespegen jaslarǵa órnek» atamasındaǵı joybarı sheńberindegi ilajlar respublikamız boylap dawam etpekte.
Adilbay Orazov,
Qaraqalpaqstan xabar agentligi sholıwshısı.