Ándijan wálayatında 9-aprel kúni medicina joqarı oqıw orınlarınıń studentleri arasında «Ándijan-2025» I Xalıqaralıq olimpiadası bolıp ótti.

Olimpiadada sırt elden hám respublikamızdaǵı joqarı oqıw orınlarınan saylandı komandalar qatnastı.
Olimpiadanıń tiykarǵı maqseti, studentlerdi bilimlendiriw hám ilim integraciyasına tartıw arqalı jámiyetimizde medicina iliminiń rawajlanıwın támiyinlewdi maqset etiw menen birge, studentlerdiń bilimleri hám kónlikpelerin sınaqtan ótkeriw bolıp esaplanadı.
Xalıqaralıq olimpadaǵa Qaraqalpaqstan medicina institutınıń studentleri Itiborxan Isakova hám Elenora Fayzullaevalar da qatnasıp, úshinshi orınlardı iyeledi.
Sonday-aq, institut studentleri Nargiza Nurullaeva «Grandmaster of pathogenesis» (Patogenezdiń ullı ustası), Jorabek Xudaynazarov « Surgeons Golden Hands» (Xirurglardıń altın qolları) hám Zuxrobiddin Hakimov «Golden Hands» (Altın qollar) nominaciyaları boyınsha arnawlı diplom menen sıylıqlandı.

Qaraqalpaqstan xabar agentligi