Mámleketimizde hayal-qızlardı hár tárepleme qollap-quwatlaw, ekonomikalıq belsendiligin arttırıw hám sociallıq qorǵalıwın kúsheytiw máselesine ayrıqsha itibar qaratılmaqta. Ózbekstan Respublikası Prezidenti bıyılǵı jıldıń 14-mart sánesinde “Shańaraq hám hayal-qızlardı qollap-quwatlaw sistemasın bunnan bılay da jetilistiriw ilajları haqqında” qarar qabıl etken edi.

Usı qarardıń orınlanıwın támiyinlew boyınsha Tórtkúl rayonında májilis bolıp ótti.
Onda rayon hákimi R.Shamuratov, Ózbekstan Kásiplik awqamı Federaciyasınan Qaraqalpaqstan Respublikasına biriktirilgen wákil B.Sultanov, Shańaraq hám hayal-qızlar bólimi hám tiyisli mákeme, shólkem basshıları qatnastı, – dep maǵlıwmat beredi rayonı hákimligi Málimleme xızmeti bólimi.
Bolıp ótken májiliste usı qarardıń orınlanıwı boyınsha ámelge asırılıp atırǵan jumıslar tallandı.
Sonday-aq, aldaǵı ámelge asırılıwı kerek bolǵan áhmiyetli jumıslar boyınsha tiyisli mákeme, shólkem basshılarına tapsırmalar berildi hám rejeler belgilep alındı.

Qaraqalpaqstan xabar agentligi