Shomanay rayonı hákimliginde tiyisli kárxana hám shólkem basshılarınıń qatnasıwında “Hayal-qızlar dápteri”niń 6-basqıshı boyınsha islenetuǵın jumıslarǵa baǵıshlanǵan májilis bolıp ótti

Onda Ózbekstan kásiplik awqamları Federaciyasınan Qaraqalpaqstan Respublikasına biriktirilgen wákil B.Sultanov, Shomanay rayonı prokurorı M.Matchanov, rayon hákiminiń birinshi orınbasarı A.Bekbergenov, rayon hákiminiń orınbasarı – Shańaraq hám hayal-qızlar bóliminiń baslıǵı T.Qallıqılichova hám tiyisli taraw wákilleri qatnastı.
Májiliste Ózbekstan Respublikası Prezidentiniń 2025-jıl 14-marttaǵı PQ-103-sanlı qararında belgilengen wazıypalar hám “Hayal-qızlar dápteri”niń 6-basqıshına kirgizilgen hayal-qızlarǵa kórsetiletuǵın járdemlerdiń óz waqtında ámelge asırılıwın támiyinlew máseleleri boyınsha juwapker basshılarǵa qarardıń mazmun-mánisi túsindirip berilip, tiyisli tapsırmalar berildi.
“Hayal-qızlar dápteri”niń 6-basqıshı sheńberinde hayal-qızlarǵa kórsetiletuǵın járdemlerdiń túrleri, olardı ámelge asırıw mexanizmleri hám juwapker shaxslardıń wazıypaları talqılandı.
Sonday-aq, qatnasıwshılar “Hayal-qızlar dápteri”niń 6-basqıshına kirgizilgen hayal-qızlarǵa kórsetiletuǵın járdemlerdi óz waqtında hám sapalı ámelge asırıwǵa qaratılǵan bir qansha usınıslardı bildirdi.
Shomanay rayonı hákimligi “Hayal-qızlar dápteri”niń 6-basqıshı sheńberinde hayal-qızlarǵa kórsetiletuǵın járdemlerdi nátiyjeli ámelge asırıw ushın barlıq imkaniyatlardan paydalanıwǵa tayar ekenligi atap ótildi.

Qaraqalpaqstan xabar agentligi.