Elimiz boylap qurılıs, abadanlastırıw jumısları, xalqımızdıń abadanlıǵın támiyinlew baǵdarındaǵı ilajlar nátiyjeli dawam etpekte. Usı maqsette Xorezm wálayatı hám Shomanay rayonınıń doslıq qatnasıqları da bekkemlenbekte.

Quwanarlısı rayon orayı ishinen ótetuǵın úlken jolda asfalt tósew jumısları baslandı. Atap aytqanda, Xorezm wálayatınıń qáwenderliginde Shomanay rayonındaǵı Taza bazar, Mádeniyat hám Monshaqlı mákan puqaralar jıyınları aymaqlarınan ótetuǵın Ámiwdárya kóshesiniń 1258 metrlik aralıǵında asfalt tósew jumısları baslandı.
Bul joybar eki aymaq arasındaǵı doslıq qatnasıqların jáne de bekkemlew ushın xızmet etedi, álbette.
Shomanay rayonı turǵınları ushın qolaylıq jaratıw hám infrastrukturanı jaqsılaw maqsetinde ámelge asırılıp atırǵan bul joybar Xorezm wálayatı hám Shomanay rayonı arasındaǵı birge islesiwdiń jáne bir ayqın mısalı bolıp tabıladı.

Qaraqalpaqstan xabar agentligi