“Máhállede bir kún” joybarı hayal-qızlardıń jámiyettegi belsendiligin arttırıwǵa qaratılǵan joybar bolıp, búgin Moynaq rayonındaǵı Tik ózek mákan puqaralar jıyınında da usı joybar sheńberinde hayal-qızlar arasında úgit-násiyat jumısları alıp barıldı.

Joybarǵa Moynaq rayonı Shańaraq hám hayal-qızlar bóliminiń baslıǵı B.Jamalova, deputat K.Nasirova, rayonlıq kárxana hám mákemelerdiń xızmetkerleri hám máhálleniń belsendi hayal-qızları qatnastı.
Bul baslama máhálledegi hayal-qızlardıń sociallıq turmıstaǵı ornı hám belsendiligin arttırıw, olar dus kelip atırǵan mashqalalardı ornında úyreniw hám sheshim tabıw maqsetinde shólkemlestirildi.
Ilajda atap ótilgenindey, hayal-qızlar – máhálleniń tayanıshı. Olar shańaraqtı bekkemlew, jaslardı tárbiyalaw, salamat turmıs tárizin qáliplestiriw hám jámiyetlik jumıslarda belsene qatnasıw arqalı jámiyettiń rawajlanıwına úlken úles qospaqta. “Máhállede bir kún” joybarı – máhállelerdegi hayal-qızlarǵa jańa imkaniyatlar esigin ashatuǵın áhmiyetli qádem bolıp esaplanadı.
Joybar sheńberinde hár qıylı taraw wákilleri máhállege kelip, xalıqtıń pikir-usınısların hám mútájliklerin úyrendi hám hayal-qızlarımız benen júzbe-júz sóylesiwler alıp barıldı.
Olar tárepinen kóterilgen máseleler boyınsha tiyisli ilajlar belgilenip, saplastırıw sharaları kóriledi.
Ushırasıwda hayal-qızlar ózleriniń pikir-usınısların bildirip, qızıqtırǵan sorawlarına juwap aldı.

Qaraqalpaqstan xabar agentligi