Tashkentte dawam etip atırǵan Parlamentleraralıq Awqamnıń 150-yubiley Assambleyası sheńberinde shólkemlestirilgen dógerek sáwbetinde Oraylıq Aziya mámleketleri parlamentleri aǵzaları insan huqıqların qorǵaw máselelerin dodaladı.

Tiykarǵı itibar BMShtıń Bala huqıqları haqqındaǵı konvenciyasın ámelge asırıwda parlamentlerdiń ornı hám áhmiyetine qaratıldı.
Oliy Majlis Nızamshılıq palatasınıń deputatı, Ózbekstan Insan huqıqları boyınsha Milliy orayınıń direktorı Akmal Saidov ilajdı ashıp berip, insan huqıqların támiiynlewde parlamentleraralıq birge islesiw hám xalıqaralıq sóylesiwdiń áhmiyetli ekenligin ayrıqsha atap ótti.
BMShtıń Bala huqıqları boyınsha komitetiniń baslıǵı Sofi Kiladze, Parlamentleraralıq Awqam hám BMSh wákilleri parlamenttiń potencialın arttırıw, xalıqaralıq tájiriybeni engiziw hám qadaǵalaw mexanizmlerin bekkemlew boyınsha óz pikirlerin bildirdi.
Bul baǵdarda dúnyada hám Ózbekstanda ámelge asırılıp atırǵan jumıslar, balalardıń huqıqların támiyinlewge qaratılǵan huqıqıy baza bar ekeni, onı ámelge asırıw mexanizmi islep atırǵanı atap ótildi. Bul qorǵaw quralların bunnan bılay da kúsheytiw, birge islesiwdi bekkemlew zárúrligi atap ótildi.

Norgul ABDURAIMOVA,
ÓzAnıń xabarshısı