Usı jıldıń 7-aprel kúni Ishki isler ministri general-mayor Aziz Toshpwlatov hám Franciya Respublikası Prezidentiniń keńesgóyi – Franciyanıń razvedka hám terrorizmge qarsı gúresiw boyınsha milliy muwapıqlastırıwshısı mırza Paskal Mayos (Pascal Mailhos) arasında jumıs babındaǵı ushırasıw bolıp ótti.

Ilaj dawamında tárepler óz-ara ámeliy birge islesiwdiń áhmiyetli baǵdarları, atap aytqanda, terrorizm hám ekstremizm, transmilliy shólkemlesken jınayatshılıq hám kiberjınayatshılıqlarǵa qarsı gúresiw hám óz-ara tájiriybe almasıw perspektivalarına baylanıslı máselelerdi dolaladı.
Doslıq hám konstruktivlik ruwxta ótken ushırasıw juwmaǵında eki mámlekettiń huqıq qorǵaw uyımları arasındaǵı qatnasıqlardı bekkemlew baǵdarında tiyisli wazıypalar belgilep alındı.

Qaraqalpaqstan xabar agentligi