Sanaat, radiaciya hám yadro qáwipsizligi komiteti málimleme xızmetiniń málim etiwinshe, usı kúnlerde Evropa esap palatası delegaciyası elimizde bolıp tur.

Bul sapar etiwden gózlengen maqset Evrokomissiyanıń qarjılay járdemi menen Evropa rawajlanıw hám tikleniw banki (ERTB) tárepinen Ózbekstan aymaǵındaǵı burınǵı uran káni obektlerinde ámelge asırılıp atırǵan qorshaǵan ortalıqtı ekologiyalıq tiklew (rekultivaciya) jumıslarınıń barısı menen tanıstı.
Sapar etiw baǵdarlamasınıń birinshi kúninde Evropa esap palatası auditorı Afonso de Kastro Malxeyro basshılıǵındaǵı delegaciya Sanaat, radiaciya hám yadro qáwipsizligi komiteti hám Radiaciya hám yadro qáwipsizligi departamentiniń wákilleri menen ushırasıw ótkerdi.
Bul ushırasıw dawamında Yangiabad hám CHorkesarda jaylasqan burınǵı uran kánlerinde ámelge asırılıp atırǵan ekologiyalıq tiklew processlerinde radiaciyalıq qáwipsizlikti támiyinlew hám nızamshılıq talaplarına ámel etiw máseleleri dodalandı.
Sonday-aq, obektlerdi fizikalıq qorǵawdı jolǵa qoyıw, radioaktiv shıǵındılardıń esabın júrgiziw hám mámleketlik qadaǵalawdı ámelge asırıw máseleleri boyınsha maǵlıwmat hám tájiriybe almastı.
Maǵlıwmat ornında, Evropa esap palatası delegaciyasınıń elimizge saparı 11-aprelde juwmaqlanadı.

N.Ziyodullaeva, ÓzA