Qaraqalpaqstan Respublikası Bajıxana basqarmasında obektlerde quyash panellerin ornatıw jumısların muwapıqlastırıw boyınsha dúzilgen jumısshı topar wákilleri Taxtakópir rayonında da úyreniw jumısların alıp bardı.

Rayondaǵı Qaraoy awıl puqaralar jıyınında jasawshı Sh.Allaniyazova óziniń úyine ornatqan 3 kVt.lıq quwatlılıqtaǵı quyash panelleri arqalı shańaraǵınıń elektr energiyasına bolǵan talabın tolıq qanaatlandırmaqta. Sonday-aq, múlk hám jer salıǵınan jeńilliklerge iye bolıw menen birge, tutınıwdan artqan energiyanı tarmaqqa satıw arqalı, jılına 4-5 million sum qosımsha dáramat tawıp atır.
Rayonda usı kúnge shekem isbilermenlik subektleri tárepinen ornatılǵan alternativ energiya derekleri esabınan saatına 176,6 kVt. elektr energiyası islep shıǵarılıp atırǵanın atap ótiw orınlı.
Xalıqtıń turaq jaylarına ornatılǵan quyash panelleri arqalı rayonda saatına 250 kVt. elektr energiyası islep shıǵarılıp, energiyanıń únemleniwi hám nátiyjeliligine erisilmekte.
Úyreniw jumısları isbilermenlik subektleri hám xalıqqa tiyisli turaq jaylarda dawam etpekte.

Qaraqalpaqstan xabar agentligi