AQShtıń studentler hám basqa da túrdegi vizaların almaqshı bolǵanlardıń sociallıq tarmaqları tekseriledi.

Mámleketlik xatker Marko Rubio konsullıq xızmetkerlerine AQSh hám Izraildı sınǵa alıwda gúmanlanǵanlardıń sociallıq tarmaqların tereńlestirip tekseriwdi buyırǵan. Ayrıqsha qadaǵalawǵa alınatuǵın viza túrleri studentler, kásiplik bilimlendiriw hám miymanǵa barıw ushın vizalar bolıp tabıladı.
Ásirese, terrorshılar menen baylanısı yamasa olarǵa tilekleslik bildiriwde gúman etilip atırǵanlar, 2023-jıl 7-oktyabrden 2024-jıl 31-avgutke shekem AQShtıń studentler yamasa almasıw baǵdarlamasınıń vizasına iye bolǵanlar yamasa vizası 2024-jıl oktyabr ayınan keyin biykar etilgenlerdiń sociallıq tarmaqlarındaǵı postları jaqsılap tekseriledi.
Sonday-aq, eger arza beriwshiniń háreketi yamasa múnásibeti AQSh puqaraları yamasa mádeniyatına dushpanlıq múnásibette bolsa, oǵan viza beriliwi biykar etiliwi múmkin.

Qaraqalpaqstan xabar agentligi